Rais kikwete kukabidhi nyumba kwa waathirika wa mabomu ya gongo la mboto.

 

Rais  wa jamuhuri ya muungano wa Tanzania Jakaya Kikwete, anatarajiwa kukabidhi nyumba 36 kwa waathirika wa mabomu ya Gongo la Mboto jijini Dar es Salaam.

Kwa mujibu wa taarifa kutoka kwa  Mkuu wa Mkoa wa Dar es Salaam, Said Meck Sadiki,amesema kuwa  Rais Kikwete atakabidhi nyumba hizo zilizojengwa na Serikali ya Tanzania kwa ajilia ya waathirika wa mabomu ya gongo la mboto, nyumba hizo zimejengwa katika maeneo ya Msongola Halmashauri ya Manispaa ya Ilala.

Aidha Sadiki alisema kuwa shughuli ya makabiziano ya nyumba hizo kwa raia walioathirika  na uripukaji wa mabomu katika kambi ya kijeshi iliopo mbagala  yatafanyika katika maeneo yaliojengwa nyumba hizo huko  msongola katika halmashauri ya manispaa ya ilala


Kwa upande wa Serikali ya tanzania imeona ni bora kuchukua hatuwa ya ujenzi wa nyumba mpya kwa watu hao kutokana na kile kitendo kilichotokea mwezi februari 18, mwaka jana cha milipuko ya mabomu katika kambi ya Jeshi la Wananchi wa Tanzania (JWTZ) iliyoko Gongo la Mboto na kusababisha vifo vya watu takribani 30 na wengine 600 kujeruhiwa.

kutokana na hali hio watu kadhaa walikosa makaz yao ya kudumu hatuwa hii ya kukosa makaazi ilikuja baada ya watu hao kuharibiwa vibaya  nyumba zao walizokuwa wanaishi  na miripuko hio,kutokana na taarifa ya tathmini zilizofanywa zinaeleza kwamba  nyumba 77 ndio zilizoharibika na 1,748 ziliathirika kwa uchache mdogo sana.